Jöfnur – Æfing 2

  1. Jóna eyddi 24.000 kr. í skó og það var 1.200 krónum minna en tvöföld sú upphæð sem hún hafði greitt fyrir blússu. Hvað kostaði blússan?
  2. Í bekk einum í grunnskóla er b fjöldi drengja. Fjöldi drengja er þremur drengjum fleiri en fjórfaldur fjöldi stúlknanna. Táknið samhengið milli fjölda drengja og stúlkna með algebru. Finnið síðan fjölda stúlkna ef gefið er að b = 19
  3. Summa tveggja talna er 84 og önnur þeirra er 12 stærri en hin. Hverjar eru tölurnar?
  4. Tvær tölur hafa summuna 37 önnur er einum stærri en hin. Hvaða tölur eru þetta?
  5. Tala ein er 10 hærri en önnur tala. Summan af tvisvar sinnum minni talan plús þrisvar sinnum stærri talan er 55. Hvaða tvær tölur eru þetta?
  6. Skiptu 80.000 kr. á milli þriggja einstaklinga þannig að einstaklingur nr. 2 fái tvisvar sinnum meira en fyrsti einstaklingurinn og að sá þriðji fái 5000 kr. minna en einstaklingur nr. 2.
  7. Kalli fer í verslun og borgar 3.500 kr. fyrir það sem hann kaupir þar. Þetta er 800 krónum meira en þrisvar sinnum það sem hann hafði borgað fyrir það sem hann keypti í bókabúð. Hversu miklu eyddi hann í bókabúðinni?